VOV4.M'nông: Ôi (3/6), ta Jay Quốc hội, Kruanh Quốc hội Vương Đình Huệ hŏ geh rơh kuăl điện tâm nchră đah kruanh Quốc hội Campuchia Xăm-đéc Hêng Xom-rin. Ta rơh kuăl điện tâm nchră, Kruanh Quốc hội rnê âk ăp nău dơi khlay tâm boh uĕh lăng đah 2 dak tâm bah ri aơ nơh.

Tâm rnôk nuh srê Covid-19 tât krit nji, kruanh rđău kan gưl têh 2 dak hôm tâm mâp, tâm ôp tâm rgâl mbro đŏng; ăp nău way tâm boh bar ding dơi mât dŏng geh nău tam; nsĭt geh tăch rgâl 2 ding hao âk tay, 4 khay bôk năm 2021 geh bơi 3,9 rmen đôlar, hao 122% rđĭl đah khay dja ndrel năm e nơh, rgop uĕh tâm trong dâk hao tay jâng wăng sa bah 2 dak, n'hao geh nău rêh nuĭh ƀon lan. Bar kruanh Quốc hội tâm ban ŭch an lah, tâm boh âk ding, Quốc hội bar dak way uănh khlay trong nchrăp n'hanh tâm kơl nsum ta ăp rnôk rgum nchră âk nghị viện tâm nkual n'hanh lam ntŭr neh kơt IPU, Liên minh nghị viện lam ntŭr neh, Đại hội đồng Liên nghị viện hiệp hội ăp dak Đông Nam Á, Nghị viện ăp dak ngơi nău Pháp, Hội đồng Nghị viện châu Á n'hanh Nghị viện châu Á - Thái Bình Dương.

Nuĭh rblang: Điểu Thân