VOV4.M'nông: Tĭng ƀư bôk nău kan mâp nuĭh ƀon lan lôch jêh rơh hop, ôi 17/11, ta quận Hải An, nkual ƀon têh Hải Phòng, Kruanh Quốc hội Vương Đình Huệ ndrel ăp đại biểu Quốc hội nkual ƀon têh Hải Phòng hŏ mâp ƀon lan gay mbơh lôch jêh rơh hop tâl 2, Quốc hội khóa XV n'hanh nău kan bah mpôl đại biểu Quốc hội nkual ƀon têh Hải Phòng ta rơh hop.

Ntơh măt mpôl Đại biểu Quốc hội, Groi kruanh Mpôl đại biểu Quốc hội nkual ƀon têh Hải Phòng Lã Thanh Tân mbơh đah ƀon lan nkô̆ jêh geh rơh hop tâl 2, Quốc hội khóa 15. Nchih nkah ăp nău dăn đă êng ƀa ƀă bah ƀon lan geh tât ăp nkô̆ nău, Kruanh Quốc hội Vương Đình Huệ dăn đă HĐND, UBND nkual ƀon têh Hải Phòng djăt ăp nău rgop, dăn đă n'glĕ nău dơi kan bah nkual ƀon têh. Mpôl đại biểu Quốc hội nkual ƀon têh mbra rgum, mbơh Quốc hội djăt ăp nău rgop, nău dăn đă n'glĕ nău dơi kan bah Quốc hội. Ăp nău dăn đă n'glĕ nău dơi kan bah Chính phủ, mpôl đại biểu Quốc hội nkual ƀon têh Hải Phòng mbra dăn đă gay Chính phủ nkra./.

Nuĭh rblang: Điểu Thân