VOV4.M’nông: Ôi lơ 17/5, ta Ngih kan Quốc hội, Kruanh Quốc hội Vương Đình Huệ pah kan đah Rnâng kan kơl an ƀon lan tâm Uỷ ban Rnâng kan Quốc hội. Kruanh Quốc hội Vương Đình huệ lah rjăp, nau kan kơl an ngăn lah nau kan mât nŭih ƀon lan tâm rơh rlau aơ hŏ kơl an Uỷ ban Rnâng kan Quốc hội ƀư ueh nau kan mêt uănh, rklaih mbơh nau phong dôih, nau đă bah ƀon lan geh nau dơi ngăn, ntrŭt dăng nau kan nkoch mbơh bah ntŭk kan, ngăn lah nŭih dâk bôk ăp ntŭk kan phong lah, đă nau bah ƀon lan, geh cử tri tâm ban nau, rgop tâm nau dơi nsum bah Quốc hội gưl 14.

Kruanh Quốc hội Vương Đình Huệ pah kan đah Rnâng kan kơl an ƀon lan tâm Uỷ ban Rnâng kan Quốc hội

Tâm rơh tât, Rnâng kan kơl anb ƀon lan gay uănh rjăp lơn nau kan tơm, ngăn lan ntơm rnôk aơ tât nar săch kan ntơh măt Quốc hội gưl 15 ndrel ntơh măt HĐND ăp gưl năm kan 2021-2026. Kruanh Quốc hội Vương Đình Huệ lah rjăp, Rnâng kan kơl an ân geh ndâk bôk nau klan rgum, gay n’hao nau dơi, nau tam tâm nau kan tâm rơh tât, mbơh Quốc hội gưl 16 gay ndŏ luh tâm nau kan nsum bah Đảng đoàn Quốc hội tâm nau ndơn kơt ăp nau tă geh dơi./.

Nŭih rblang: H’Thi