VOV4.M’nông – Jêh ƀư tĭng nău dơi n’hanh nău kan nuĭh ƀon lan bah nơm, bah nkual nklăch phiếu mrô 1, ntŭk săch mrô 3 nkual ƀon têh Hải Phòng, Kruanh Quốc hội Vương Đình Huệ, Kruanh Hội đồng săch ngih dak, lĕ njuăl nău uĕh ngăn tât ƀon lan, tahen, nuĭh ƀon lan lam dak tâm nar khlay bah neh dak.

Kruanh Quốc hội Vương Đình Huệ râng nklăch phiếu săch ta Hải Phòng

Kruanh Quốc hội lah rjăp: “Tâm rnôk srê Covid-19 geh âk lơn, klăch lơn, lam hvi âk n’gor nkual ƀon têh, mpôl hên klach ăp nar, ăp mông tâm rnôk nchrăp an nar săch aơ.. Nar 22/5, he rhơn rnôk lam dak geh 16 n’gor đah 500.000 nuĭh nklăch phiếu ơm đah 99,96% nuĭh ƀon lan hăn săch, tâm nĕ geh 14/16 n’gor geh 100% nuĭh ƀon lan hăn săch. Tă bah rơh săch aơ, he lơ saơ geh soan dăng bah nuĭh ƀon lan, đah nău rđău bah Đảng n’hanh nău mĭn bah Wa Hồ he, mbra ndơ̆ neh dak he hăn tât âk nău dơi, geh âk nău lôch uĕh lơn.

Nuĭh rblang: Y Sưng Phê Ja