VOV4.M’nông – Kêng măng nđaơ (7/7), ta Ngih Quốc hội, Kruanh Quốc hội Vương Đình Huệ lĕ rgum nchră pơk sŏng dăng đah Kruanh Hạ viện dak Ma rốc Habid El Malki Ta rơh rgum nchră, 2 kruanh lah rjăp, Việt Nam n’hanh Ma-rốc geh tâm boh dăch dêh way ơm uĕh lăng, 2 dak bôl ngai đah neh ntu yơn geh âk nău tâm ban mpeh lịch sử n’hanh hun hao, ndrel ăp dak dôl hun hao, dak ntrong leo mô tâm rgop n’hanh Nsum mpôl Pháp ngữ.

Ntŭk rƀŭn rgum nchră pơk sŏng dăng

Aơ lah nkô̆ nău dơh an hun hao tâm boh kan ndrel ăp ding ta ăp nău kan tâm năm tât aơ tay. 2 ding mât uĕh tâm rgop rjăp ta ăp rƀŭn nchră ăp ding kơt IPU, APF n’hanh ăp rmôt nghị viện ăp ding êng; kơl nău mĭn êng bah ăp ding mpeh ăp nău nkual n’hanh lam ntŭr neh ndrel uănh. Tâm rgop uănh nđôi, groi uănh nău ƀư tĭng ăp hiệp định n’hanh tâm ton lĕ ký đah chính phủ n’hanh ăp N’gâng kan nău kan 2 dak, gay ăp hiệp định aơ dơi ƀư tâm ban, nsĭt tay săk rnglăy n’hanh nău geh ngăn ngên, tâm di đah tâm boh chính trị uĕh lăng đah 2 dak.

Nuĭh rblang: Y Sưng Phê Ja