VOV4.M’nông: Kêng măng 21-6, ta Jay Quốc hội, Kruanh Quốc hội Vương Đình Huệ hŏ tâm nchră pơk sŏng dăng đah kruanh Hạ viện Nhật Bản Oshima Tadamori. Kruanh Quốc hội Vương Đình Huệ lah rjăp tay Việt Nam way uănh Nhật Bản lah dak tâm boh jru hvi jŏ jong, khlay dâk bôk năp, đah nău tâm nsing nơm âk tâm trong kan tâm boh dak bah dih bah Việt Nam; ŭch Nhật Bản mât uĕh tay nău khlay ƀư tơm neh dak têh ndrŏng lam ntŭr neh, rgop uĕh an đăp mpăn n'hanh hun hao bah nkual n'hanh lam ntŭr neh.

Ta rnôk tâm nchră, bar ding tâm ban ŭch tâm nđŭr ntrŭt ntrôl tâm boh đah ăp nghị sĩ bar dak, lơn lah nghị sĩ mom, bu ur nghị sĩ, rmôt nghị sĩ tâm rnglăp; n'hao dăng tay tâm nđŭr ƀon lan bar dak ma ăp mpôl nghị sĩ ăp n'gor bar dak tâm khâl nsum, pah kan, ntrŭt ntrôl ngăch ntuh kơl, nkoch n'hơ rup gui, săk geh pâl nđaih n'hanh tâm nđŭr văn hoá ta Việt Nam.

Nuĭh rblang: Điểu Thân