VOV4.M’nông – Nar 17/6, ta Ngih Quốc hội, Kruanh Quốc hội Vương Đình Huệ lĕ rgum nchră pơk sŏng dăng đah Ủy viên kruanh Ủy ban Thường vụ Quốc hội đại biểu nhân dân lam dak Trung Quốc (Kruanh Nhân đại-Kruanh Quốc hội) Lật Chiến Thư. Ta rơh rgum nchră, 2 kruanh Quốc hội nkoch kloh, nău tâm boh kan ndrel lĕ rngôch Việt Nam-Trung Quốc tâm nău kan tâm rnglăp bah ăp dak, uănh lah prêh ăp nău geh, săk rnglăy tâm boh bah 2 Đảng, 2 dak, ngăn lah tâm nđŭr kan ndrel đah 2 Quốc hội năm bah năp. Gay ntrôl tâm boh kan ndrel lam hvi Việt Nam-Trung Quốc hăn jru lơn, Kruanh Quốc hội Vương Đình Huệ đă 2 ding ntrôl tâm mâp gưl prêh n’hanh ăp gưl, 2 ding n’hao tâm nđŭr dăch dêh đah nuĭh ƀon lan; dăn đă Trung Quốc n’hao nglăp rwăt ndoh ndơ bah Việt Nam, ntĭm rđău doanh nghiệp 2 dak mkra ăp nău nchrăp ƀư kan ndrel hôm e wăk kol; n’hao tâm rgop mât uănh n’har bri neh kơh, ntrŭt tâm nđŭr, tăch rgâl n’hanh kan ndrel đah ăp ntŭk.

Nŭih rblang: Y Sưng Phê Ja