VOV4.M’nông: Kêng măng 12/7, ta Ngih kan Quốc hội, Kruanh Quốc hội Vương Đình Huệ hŏ tâm nchră trực tuyến đah Kruanh Quốc hội Hung-ga-ry Lát-xlô Quê-vê-rơ. Kruanh Quốc hội Vương Đình Huệ rnê prêh ngăn ăp nau kan ueh tâm nau tâm boh 2 dak tâm rơh rlau aơ, lah rjăp Việt Nam mro uănh khlay ndrel ŭch n’hao nau tâm boh pah kan tâm âk ding đah Hung-ga-ry, dak kan nsum bôk năp bah Việt Nam tâm Trung-Đông Âu. Kruanh Quốc hội Vương Đình Huệ lah rjăp, Việt Nam mra ƀư ntung njŏ ân Hung-ga-ry pơk hvi nau tâm boh kan nsum đah ăp dak tâm nkuăl ASEAN ndrel rlŏ ma nê, Việt Nam ŭch Hung-ga-ry lŏ kơl an, ntrŭt dăng rjăp lơn tay nau tâm boh đah Việt Nam ndrel ăp dak tâm Liên minh Châu Âu kŏ kơt lah ăp dak kan nsum tâm nkuăl. Ta nau tâm nchră, 2 kruanh Quốc hội lah rjăp mra geh nau kan tâm rgop mbơh kan bah nau tâm nchră bah Uỷ ban tâm boh nau kan Chính phủ geh tâm khay 10 tât, ngăn lah ntrŭt dăng nau tâm boh nau kan nkoch mbơh nau, viễn thông; lŏ kơl an, tâm pă nau tă blau tâm nau kan tâm pă nau kan ndâk njêng luật, uănh nau kan bah ntrong kan Ngih dak./.

Nŭih rblang: H’Thi