VOV4.M’nông: Ôi 23/6, Kruanh Quốc hội Vương Đình Huệ hŏ tâm nchră pơk sŏng dăng đah kruanh Quốc hội Hàn Quốc Park Byeong Seug. Kruanh Quốc hội Vương Đình Huệ lah rjăp, Việt Nam dŭt n'hâm uănh khlay n'hanh ŭch rŏng hun hao tâm boh tâm rnglăp đah Hàn Quốc, uănh Hàn Quốc lah dak băl tâm boh khlay, jŏ jong n'hanh lah ngoăy tâm ăp dak an tâm boh lor bôk năp đah dak bah dih  khlay bah Việt Nam.

Ta rnôk tâm nchră, bar kruanh Quốc hội ndrel mĭn lah, bar ding ntrŭt ntrôl dăng tay tâm boh đah Quốc hội bar dak n'hanh bar dak uănh an dŏng ăp trong nkra na nê̆ kơt: way tâm khâl, tâm mâp gưl têh n'hanh ăp gưl ma trong tâm di; nta trong dơh gay ăp n'gor n'hanh nuĭh ƀon lan bar dak n'hao dăng tâm boh, tâm nđŭr; nsrôih ƀư ăp nău kan ngăn ngăn nkah ndray 30 năm njêng tâm boh bar ding, tâm nê geh ăp nău kan tâm rgâl, tâm nchră đah ăp nhih pah kan bah Quốc hội bar dak./.

Nuĭh rblang: Điểu Thân