VOV4.M'nông: Hãng thông tấn ngih dak KCNA Triều Tiên nar aơ (7/12) nkoch nău lư, Kruanh rđău kan Kim Jong Un đă lam rêng kan ntĭm nti tahen dak dja ân nsrôih rlău bar tơ̆ gay tiăr nti sĩ quan "du nuih n'hâm tĭng" đah đảng mât bôk. Lah ta rơh tâm nchră tâl 8 mpeh ntĭm nti tahen bah Tahen ƀon lan Triều Tiên dơi ƀư ta Bình Nhưỡng, Kruanh rđău kan Kim Jong Un lah rjăp nău khlay ân nchrăp lĕ rngôch ăp nuĭh ƀư pah kan tahen jêng ăp nuĭh tahen du nuih n'hâm tĭng ngăn đah nău mĭn n'hanh nău rđău kan bah Đảng. Leo ƀư ntĭm nti tahen tĭng di nău mĭn, trong nchrăp, trong nkra bah Đảng gay mpơl lĕ nău gĭt blău nău dăng bah he. Ăp nuĭh kơt nti mbra jêng ăp sĩ quan mât bôk kan tahen du nuih n'hâm tĭng đah Ban Chấp hành Trung ương Đảng.

Nuĭh rblang: Điểu Thân