VOV4.M'nông: Nkhêp nkah ndray 80 năm Nar way ơm nuĭh âk năm deh Việt Nam (6/6), kêng măng 4/6, UBND n'gor Dak Nông hŏ tât khâl, pă kao si n'hanh mbah rhơn Hội nuĭh âk năm deh n'gor Dak Nông. UBND n'gor rnê âk ăp nău rgop bah rmôt cán bộ, hội viên nuĭh âk năm deh tâm bah ri aơ nơh, mô dơn ntĭt leo trong kloh ang an kon său kơt tĭng kalơ ăp trong kan ma hôm nsrôih tor trong, nsŏng kơl rdâk njêng n'gor dja nar lơn ma hun hao. UBND n'gor ŭch rŏng rmôt cán bộ, hội viên nuĭh âk năm deh n'hâm suan ngăch dăng, tor leo, nsŏng kơl, lơn lah nsrôih râng tâm trong leo "Săk ranh bôk rngok lơn ma kranh, ntĭt leo trong kloh ang tâm n'gâng kan rdâk njêng n'hanh mât njrăng neh dak". Ta rơh mâp, Kruanh Hội nuĭh âk năm deh n'gor lah uĕh nău uănh khlay bah kruanh rđău kan n'gor tâm mât chăm an nuĭh âk năm deh. Hội nuĭh âk năm deh n'gor mât uănh tay nuih n'hâm, ndrel hăn ta n'gor tâm ăp trong leo tâm rlong rŏng dak, lơn lah ntĭm nti rơh mom ndăm bah kơi./.

Nuĭh rblang: Điểu Thân