VOV4.M’nông: Di nkah 96 năm nar Báo chí Cách mạng Việt Nam, ôi lơ 15/6, Bí thư Trung ương Đảng, Kruanh Rnâng kan Tuyên giáo Trung ương Nguyễn Trọng Nghĩa tât khâl, rhơn 4 ntŭk kan báo tơm, geh: Radio Việt Nam, Ntŭk kan ntoh rup Việt Nam, Báo nhân dân, Thông tấn xã Việt Nam, nkre lah rjăp ân geh ndâk báo chí cách mạng, ueh, blau, tâm di ndrel săk tam. Tât khâl, rơh Radio Việt Nam, Kruanh Rnâng kan Tuyên giáo Trung ương Nguyễn Trọng nghĩa rnê prêh rơh rlau aơ Radio Việt Nam hŏ geh âk nau rgâl mhe mpeh nau kan nkoch trêng, nkô̆ nau, nau kan mpeh nau ueh cách mạng ndrel nau mhe, âk ntil tâm nau kan nkoch trêng, tâm nê geh rƀŏng tât tâm dâng, nkuăl n’har bri, gôl dak. Kruanh Rnâng kan Tuyên giáo Trung ương Nguyễn Trọng Nghĩa rnơm lah Radio Việt Nam mra mro nteh hao, nteh ngai ndrel nkoch trêng ân tâm di ngăn ntrong kan bah Đảng tât đah ƀon lan ndrel tât đah kônh wa ăp rnoi, ngăn lah nkuăl n’har bri nar lơn ma âk./.

Nŭih rblang: H’Thi