VOV4.M’nông - Kruanh nchră nău Mỹ Antony Blinken lĕ tât thủ đô Pa-ri, Pháp, ntơm ƀư nău tâm rnglăp boăt nthoi nău tâm boh đah ngoay tâm âk dak kan ndrel way ơm khlay ngăn ta châu Âu. Rnă njrăng ta Ấn Độ Dương-Thái Bình Dương, Mât njrăng bri dak châu Âu n’hanh nău nchăng n’gang rŭng răng ta nkual Sahel lah 3 nău tâm nchră khlay tâm rơh plơ̆ tay Pháp bah Kruanh tâm rnglăp nchră nău Mỹ. Nău Pháp ŭch đă đại sứ plơ̆ tay Oa-sinh-tơn, kơt nău n’gâng kan Tổng thống Mỹ joi ăp trong jŭt n’hŭch duh jêr lĕ du tơ̆ tay an saơ nău krêp dêh mô dơi ƀah bah nău tâm boh Mỹ n’hanh Pháp. N’hanh đah nău tâm wât jru mpeh dak Pháp, wa Blinken dơi uănh nuĭh rsaih nkra nău dŭt khlay đah Mỹ n’hanh Pháp, nta an rơh tâm mâp đah kruanh 2 dak ta châu Âu ta dŭt khay 10 aơ.

            Nŭih rblang: Y Sưng Phê Ja