VOV4.M'nông: Kruanh Trung Quốc Tập Cận Bình mhe aơ hŏ geh rơh kuăl điện tâm nchră đah Thủ tướng Đức Olaf Scholz. Lah ta rơh kuăl điện tâm nchră, wa Tập Cận Bình lah rjăp, tâm boh Trung Quốc-Đức way geh nău khlay têk leo tâm boh đah Trung Quốc n'hanh Liên minh châu Âu (EU), nkre kuăl jă bar dak rƀŏng tât nkah ndray 50 năm njêng tâm boh tâm năm tât, geh trong uănh têh lam ntŭr neh n'hanh jŏ jong, nsrôih tât hun hao mhe an tâm boh bar ding tâm 50 năm tay. Mpeh bah nơm, tĭng nhih pah kan nkoch trêng nău lư Trung Quốc, Thủ tướng mhe Đức lah rjăp 3 n'gâng tơm bah nău hun hao tâm boh bar ding, lah tâm boh tăch rgâl ntuh kơl, tâm boh rdâng lơh đah rgâl duh nđik trôk nar n'hanh Covid-19, tâm ôp lhăt mpeh ăp nkô̆ nău tâm nkual kơt nô nău Afghanistan n'hanh nkô̆ nău hạt nhân Iran.

Nuĭh rblang: Điểu Thân