VOV4.M'Nông: Kruanh Trung Quốc Tập Cận Bình nar 7/1 hŏ njuăl "nău mpơl lah ma mbung" tât Tổng thống Kazakhstan Kassym-Jomart Tokayev, mpơl nău tâm rnglăp đah dak dja tâm nău rdâng lơh đah ăp nău ntêt nkri. Tâm nău mbơh gĭt, Kruanh Trung Quốc Tập Cận Bình hŏ njuăl tâm pă nău rngot tât nuĭh ndrel gưl kan Kazakhstan yor ăp khĭt rmanh n'hanh khuch khat têh ma rơh ƀư rŭng răng têh geh ăp nar rlău aơ ta dak dja. Păng rnê Tổng thống Tokayev hŏ tĭng ƀư ăp trong "nkra dăng tâm ăp rơh n'gâng tơm", ngăch nkra bah ƀư rŭng răng n'hanh mpơl nău dơn kan bah du hê kruanh đah neh dak n'hanh ƀon lan. Păng lah rjăp: Trung Quốc rlăch dun ngăn ăp mpôl lơh chrai nău đăp mpăn, ntêt nkri tât rnă njrăng bah Kazakhstan, rlăch dun ngăn ăp dak bah dih nsŭk nsôr lơh chrai nău tâm rnglăp, tâm boh đah Trung Quốc n'hanh Kazakhstan./.  

Nuĭh rblang: Điểu Thân