VOV4.M’nông – Kruanh N’gâng kan tâm rnglăp nchră nău Bùi Thanh Sơn lĕ geh rơh kuăl điện tâm nchră đah kruanh nchră nău Canada Marc Garneau. Kruanh tâm rnglăp nchră nău Bùi Thanh Sơn lah rjăp Việt Nam uănh lah prêh Canada n’hao tâm boh đah ASEAN n’hanh Việt Nam; mbah rhơn ăp nău dơi lôch uĕh bah Canada tâm uănh nđôi srê Covid-19 lah uĕh ăp nău nsrôih ngăn ngên bah Canada an Việt Nam tâm rnôk trôk nar ta miền Trung Việt Nam n’hanh rdâng đah srê Covid-19, lơn lah tâm nău gĭt vaccine. Mpeh đah nơm, Kruanh nchră nău Garneau mĭn lah tay tâm ton ntop kơl Việt Nam n’hanh ăp dak tâm nkual gĭt vaccnie nchăng n’gang srê Covid-19. Rƀŏng tât nkah gĭt 50 năm ndâk njêng tâm boh nchră nău (1973-2023), 2 Kruanh n’gâng kan tâm ban ŭch an geh ăp trong na nê̆ ntrôl tâm boh tăch rgâl 2 ding hao 8 rmen đôlar tâm 2 năm tât, ntrŭt nsôr doanh nghiệp 2 dak dŏng nău geh bah Tâm ton CPTPP, n’hao kan ndrel ntĭm nti, pơk hvi kan ndrel tâm ăp nău kan prăk kaih, wăng sa mrô, rgâl mhe mĭn njêng.

Nuĭh rblang: Y Sưng Phê Ja