VOV4.M’nông: Nar aơ, nar 7/9 to\ng 74 năm ndâk njêng Đài TNVN (7/9/1945-7/9/2019). Mô knu\ng lap. Ntôh n’hao dơi hăn ndrel đah neh dak, “Nău ngơi Việt Nam” hôm lah rse mboăt nthoi, ndrel nău m^n, tâm pă, rgum kơl âk nău rêh, dơi joi nău ro\ng ueh lăng. Di nkah g^t 74 năm ndâk njêng Đài TNVN, Khoa Điềm, gu\ ta nkual Tây Nguyên geh nău nchih du kôp ur sai koet nte jêng ur sai knơm Đài TNVN. Nău rêh bah khân pơng le\ hăn du trong mhe geh âk nău ro\ng ueh lăng.

            Tâm jay jê| ue\h reh, kloh ue\h ndâp mpơl tâm nklang mir cao su ta thôn Đăk Hà, xã Đăk Blà, nkual [on têh Kon Tum, n’gor Kon Tum way n’gôr gră ntem gơm. Du\t đêt rnôk mô tăng nteh pơk djăt Radio nău ngơi Việt Nam tâm trôm jay dja. Nô Trần Công Chung, 36 năm deh n’hanh I ur Lê Thị Hoài, 33 năm deh dơi nu^h [on lan tâm nkual kuăl lah ur sai mha êng mô lah ur sai du\t tâm rnglăp. Nkô| năm hao 8 năm deh nô Chung ho\ geh cheh măt tă bah nău ji khêh dak si dioxin ntưp rêng bah bơ\. Hôm yuh Hoài bar ding jâng geh rvăn ơm bah ndu\l me. Lah uănh tâm nău quet nte bah bar hê ur sai mô geh nu^h m^n tâm ro\ng bah khân păng ngai hang rbăn cây số yor rnăk nô Chung ri ta Kon Tum hôm yuh Hoài ta Đội 9, xã Hải Nam, nkuâl Hải Hậu, n’gor Nam Định. Nkoch mpeh nău tâm ro\ng bah he yuh, nô an g^t le\ rngôch nơm geh yơ\ nguyệt Radio nău ngơi Việt Nam kuăt njêng:

            “Gâp way djăt radio. Năm 2007, gâp djăt bôk nău nkoch kroh khar u\ch rêh ta Radio nău ngơi Việt Nam, nchih ăp nău uănh năl bah he ta rađio, nkoch nău rêh he ta radio. Hoài geh nău nchih ta nê đo\ng. Djăt tăng geh mbrô điện thoại lôch nê gâp nhắn tin [ư tâm bên”.

            “Ăp tơ\ djăt bôk nău nkoch kroh khar u\ch rêh, yơ Minh Phượng, ăp kônh đo\ng geh nău tâm nkoch uănh năl mpeh nu^h tâm nău nchih nê ri nơm geh nău pơk nkoch nê ma gâp jăng le\ nău đit prêng ma mô geh nu^h tâm nkoch bri nsum. Ăp kônh yơ saơ nău gâp nchih ue\h, răk gâp geh nklâm ndơ nkhôm. Sai gâp saơ geh mbrô điện thoại ta nê ri sai gâp nhắn tin [ư tâm bên. Mô g^t ndơ lơh mhe nkoch bri đah sai gâp ma saơ kơt ho\ geh ndu kuăt so\k hôm”.

            Geh ndu kuăl so\k yơn gay jêng ur sai nô Trần Công Chung n’hanh yuh Lê Thị Hoài hôm rlău dơi ăp jêr jo\t ma du\t đêt nu^h ngăn [ư dơi. Năm 2009, nô Chung nơm đă rnăk wâl hăn rlău hang rbăn cây số  hăn tât Nam Định mâp yuh Hoài n’hanh rnăk wâl. Ndr^ yơn tă bah rvê ir n’hanh nkah kon ur jêng me bơ\ yuh Hoài rlăch dun hô n’hanh mpăng khân păng tâm gu\ nsum. Geh nău nsing nơm dăng tâm nău ro\ng, m^n lah geh nău rêh ue\h lăng mbra tât đah he, yuh Hoài gre\ gre\ ntlơi jay t^ng nău tâm ro\ng do\ng tri.

            Tâm nău rêh mpeh sai du\t jêr jo\t đo\ng, nô Trần Công Chung n’hanh yuh Lê Thị Hoài nsrôih tâm jă nsrôih rdâk njêng nău rêh. Lôch rlong [ư âk nău kan, kơt tăch ndơ, ndơ sa meng trong…yuh nô sơch nău kan tăch vé số yor saơ tâm di đah săk nơm lơn. Ăp nar yuh Hoài rdeng sai kalơ ndeh pe jâng bah jay ta xã Đăk Blà hăn 10km tât nklang [on têh Kon Tum, dơn vé số bah ăp đại lý lôch nê ju\r ma ndeh rlă hăn lăp bêng njônh njănh nkual [on têh. Nơm geh saơ măt bah I ur n’hanh jâng hăn bah I sai, lôch bơi 10 năm tăch vé số, bah prăk nkrem ntop đah prăk manh n’hanh 30 rkeh prăk Ngân hàng Công thương gu\ kan ta n’gor Kon Tum kơl, nô Chung yuh Hoài ho\ [ư jay jê| rnoh khlay 140 rkeh prăk têh hvi kloh ue\h n’hanh soih aih. Rhơn răm têh lơn bah khân păng lah kon bu ur druh ue\h dăng năm aơ ho\ hao nti jrô 4 mbleh blôn, nti blău. Tâm nău nkoch rhơn nsum ndrel phóng viên radio, nô Trần Công Chung mô chuêl njoăl tât nu^h băl Radio nău ngơi Việt Nam nău lah ue\h du\t n’hâm:

            “Gâp lah ue\h Radio nău ngơi Việt Nam ho\ geh nău nchih nkoch nê ndơ\ mpôl hên tâm tât nsum kơt nar aơ. Gâp nsrôih rêh an du\t jăp ue\h mât nău tâm ro\ng ur sai an oh kon kơt t^ng”.

            Mô rlu nău nsrôih gay nsan hao tâm nău rêh đah du nuih n’hâm kloh ang âk nău uănh khlay lah nău ma ăp nu^h du\t dơh năl rnôk mâp đah ur sai quet nte Trần Công Chung n’hanh Lê Thị Hoài. Mô dơn mât nău tâm tâm ro\ng êng, ur sai dja hôm lah nu^h nsrôih tâm mpôl quet nta ta nkual [on têh Kon Tum. Nô Chung, yuh Hoài way rgo\ jă đah ăp nu^h ndrel nău rêh krit jêr, nkre lah soan ntrôl gay ăp nu^h rlău dơi nău đit prêng, nâp jâng choat hao tâm nău rêh. A[aơ rlău ma nău hăn tăch vé số, rnôk mông ru gu\ ta jay nô Chung, yuh Hoài hôm [ư bôk, bok ka seng, kao si, rup lu\ gay ntop geh tay wa\ng sa đo\ng. nkoch mpeh nău u\ch ro\ng bah bar hê ur sai, yuh Lê Thị Hoài, an g^t:

            “Gâp u\ch ro\ng bar hê ur sai gâp geh n’hâm soan ngăch dăng gay ăp nar hăn tăch vé. Hôm nău u\ch ro\ng du\t têh bah ur sai hên lah mpo\ng an kon jăp blău, têh dăng jêh aơ tay jêng nu^h”.

            Nơm geh Radio nău ngơi Việt Nam nkoch ma bôk nău kan Kroh khar nău rêh. Nsing nơm dăng tâm nău ro\ng, nsrôih rlău ăp ntul rlong, ur sai quet nte Trần Công Chung n’hanh Lê Thị Hoài ho\ joi ntu\k gu\ răm m[ak bah he. Khân păng dơi kônh wa kiău ma n’hanh nu^h [on lan ta nkual [on têh Kon Tum du\t dêh ro\ng. Rhơn lơn đo\ng lah me, bơ\ yuh Hoài ta năp nău rhơn m[ak bah kon ho\ saơ nău tih ntơm nơh bah he rnôk mpăng khân păng tâm u\ch ro\ng nsum. Me bơ\ khân păng bol năm ho\ ranh, soan mô hôm dăng yơn way hăn rlău hang rbăn cây số lăp khâl kon, său. Ăp tơ\ mâp, ăp tơ\ tâm nt^nh s^t lah dak măt luh yơn lah dak măt bah nău rhơn, nău m[ak./.

Nu^h nchih rblang: Điểu Thân