VOV4.Mnông: Le\ rlău 15 năm aơ, djăt ma tât nar 26/7 ăp năm, ăp nu^h [on lan thôn Xuân Sơn, xã Xuân Trường, nkuăl [on têh Đà Lạt, Lâm Đồng le\ rgum s^t ta ntu\k rgum nchră thôn gay ma mpoh nhang kahg^t ăp nu^h tahen kh^t tâm lơh, lah ueh ăp tahen sôt rmanh, mê| Việt Nam anh hùng, rnăk vâl dơi kơl, nu^h geh kan đah cách mạng.

Bâh ntơm ơm ôi, ta năp ntu\k mbah ryơk nsum ta thôn Xuân Sơn, xã Xuân Trường, nkuăl [on têh Đà Lạt, nu^h ranh tât nu^h mom, ndơ nsoh kloh ueh, dâk r^ng ueh n’hnh tat poh su nhang kahg^t, tâm rnoh nu^h tât mpoh su nhang, geh mê| Việt Nam anh hùng Nguyễn Thị Nhứt, năm aơ le\ 92 năm deh. Rnăk vâl mê| geh pe nu^h kon le\ kh^t tâm lơh ta ăp năm 1970, 1971, 1972. ndrel đah nău rngot klâng roh kon, sai mê| le\ geh mpôl rlăng nhup krung rlău jât năm mbro đo\ng. ăp tơ\ si mpoh nhang kahg^t ăp huêng ăp nô tahen kh^t, mê| du\t rngot, yơn lah du\t ryơk rhơn rnê yor săk nơm tâm ban sai n’hanh ăp kon le\ ntop le\ săk soan an neh dak, an mpôl rnoi Việt Nam.

 “Ro\ng neh dak mơ geh hăn tâm lơh mơ geh nău kh^t rmanh ta ntuk tâm lơh, geh ro\ng ngih dak mơ geh kh^t, a[aơ kon său an geh [ư t^ng, an geh mât nău way ne\. nău rêh bâh mê| n’hanh ăp tahen le\ kh^t lah yor nău đăp mpăn mpôl rnoi. Nu^h ta aơ cách mạng da dê jêng lah khân păng kh^t, o\ r’ah gay ma mât neh dak mât an kon sau ba kơi”.

Ndrel đah rnăk vâl, nu^h mpôl tahen kh^t, ăp nu^h [on lan thôn Xuân Sơn, xã Xuân Trường, nkuăl [on têh Đà Lạt, n’gor Lâm Đồng le\ dơn ngoăy săch nar kahg^t nar kh^t nsum an ăp nô tahen kh^t tâm lơh ta nar 26/7 ăp năm. Mpoh nhang [ô kah mpơl nău lah ueh tât ăp nu^h le\ kh^t yor nău rêh đăp mpăn nar aơ, yuh Nguyễn Thị Như Hạnh ta thôn Xuân Sơn le\ u\ch kon său nơm le\ nău rêh kah^t nău kan aơ.

“Nău thôn [ư kahg^t nar kh^t nsum aơ lah du\t khlăy du\t tâm di. Ta jay ăp rnăk vâl le\ geh [ư nar kahg^t nar kh^t nsum tâm thôn r^ bôk năp lah gay ma kon său nơm khân păng g^t nar kh^t bâh ăp nô le\ kh^t yor ngih dak, tal bar lah an kon său g^t ăp nar tam rnăk vâl geh che, geh bơ\ le\ kh^t yor mât neh dak”.

Thôn Xuân Sơn, xã Xuân Trường, nkuăl [on têh Buôn Ma Thuột lah ntu\k gu\ kan cách mạng ntơm nơh bâh n’gor Lâm Đồng. thôn a[aơ geh 232 rnăk đah bơi tât 1 rbăn nu^h yơn geh tât 85% rnăk vâl dơi kơl, nu^h geh kan đah cách mạng. a[aơ ntu\k mbah ryơk nsum bâh thôn mbah 135 tahen kh^t tâm lơh n’hanh 17 mê| Việt Nam anh hùng. Aơ lah ăp nău ntoh ang nsrôih dăng tâm nău rklaih đăp mpăn mpôl rnoi, dơn ngoăy neh dak. Tâm rnoh ăp rup geh mbah ryơk ta thôn geh ăp rup lah oh bu ur, bu klô klâp ma 6-7 năm deh. Wa Nguyễn Đình Thuận- kruanh thôn Xuân Sơn mbơh rblang, ne\ lah ăp rup hôm nha jê| bâh ăp tahen kh^t.

“Ntơm nơh nău rêh du\t jêr jo\t, ăp nô tât têh r^ hăn tâm lơh rnôk ne\ kanu\ng geh rup rnôk jê| mê| bơ\ so\k an. Tât ăp nô têh mô hôm geh rơh ma so\k rup, rnôk ăp nô le\ kh^t r^ rnăk vâl joi tay rup ơm ta jay gay ma njôt mbah ryơk. Jêng lah ăp nô kh^t tâm rnôk ne\ yơn lah mbah ryơk rup rnôk 6,7 năm deh dơm”.

Lam xã Xuân Trường geh 223 tahen kh^t, 156 rnăk geh kan đah cách mạng. ăp năm ba năp,r năk vâl tahen kh^t, tahen sôt rmanh, mê| Việt Nam anh hùng le\ geh Đảng, ngih dak, [on lan lah ueh, kơl an. Ăp naư kơl, nău an lor đah nu^h geh kan kăl e le\ geh [ư tay n’hanh [ư geh săk rnglăy . wa Phạm Văn Dũng, kruanh MTTQ xã Xuân Trường an g^t, nău kan “tâm pêt, tâm kơl” ăp nar lơ ma geh têh hvi, săk rnglăy, jêng nău ueh tâm văn hoá tâm nău rêh bâh [on lan ta aơ. Lam xã mô hôm geh rnăk dơi kơl, rnăk geh nău kan ta rnoh ach o jêr jo\t.

“ăp năm, Đảng n’hanh ngih dak tâm ban kơt ta ntu\k way mât ua\nh tât ăp rnăk dơi kơl. Nău rêh rnăk vâl dơi kơl way geh đăp mpăn, mô geh rnăk ach , ji ngot, rnăk dăch ach o n’hanh du\t jêr jo\t. a[aơ, Đảng n’hanh ngih dak dôl geh nău nchrăp nkra tay ăp ngih jay tâm rnglăp le\ mô hôm nâp ueh mbra geh nău kơl an n’hanh kuăl đă ăp nu^h dơi kơl, ăp n’gâng kan kơl an tât ăp rnăk dơi kơl gay ma geh nău rêh wa\ng sa ăp nar lơ ma hun hao”.

Tâm nău huêng khlăy lam dak [ư rơh kahg^t 72 năm nar tahen sôt rmanh, tahen kh^t tâm lơh kăl e, ta thôn Xuân Sơn, xã Xuân Trường, nkuăl [on têh Đà Lạt, Lâm Đồng le\ geh [ư ntoh n’gôr  gay ma kahg^t ăp tahen kh^t le\ kh^t yor mât ngih dak. Nău mât rơh kahg^t aơ le\ geh thôn Xuân Sơn mât rlău 15 năm ba năp, gay ma mpơl nău lah ueh tât ăp tahen kh^t, ăp tahen sôt rmenh, tahen geh nău ji, nu^h geh kan đah cách mạng, nkre lah nt^m nti nău way ro\ng dak an ăp rơh ba kơi.

Nu^h rblang: Thị Đoắt