VOV4.M’nông – Ôi nđaơ (6/7), tâm rgâl đah báo chí, ntoh măt ntŭk mât uănh nău uĕh di, N’gâng kan ntĭm nti an gĭt, tât 4 mông 30 mnĭt nar 5/7/2021, lam dak geh 11.551 kon hŏk ta 39 n’gor, nkual ƀon têh an tâm rlong tốt nghiệp rơh 2 tă bah khuch srê Covid-19, tâm nĕ, âk ngăn lah 2 n’gor Bình Định (2.569 kon hŏk) n’hanh Bắc Giang (2.477 kon hŏk). Tĭng trong nchrăp bah N’gâng kan ntĭm nti, ăp kon hŏk aơ mbra râng tâm rlong tốt nghiệp THPT rơh 2, nar mbra dơi n’gâng kan ntrŭnh tĭng tâm nu nău ngăn bah srê. Ăp kon hŏk ƀa ƀă mô geh khuch bah srê Covid-19 mbra na nê̆ tâm rlong tốt nghiệp THPT rơh 1 bah nar 7/7/2021. Bah meng nĕ, N’gâng kan ntĭm nti an gĭt mbra uănh săch đại học 1 rơh jêh 2 rơh tâm rlong tốt nghiệp THPT gay đăp mpăn nău dơi, tâm ban an ăp kon hŏk. Yor nê, kon hŏk tâm rlong rơh 2 mbra mô rvê đah nău dơi uănh săch nti đại học.

Nuĭh rblang: Y Sưng Phê Ja