VOV4.M’nông: Lơ 26/7, Lâm Đồng lŏ kơp dơn geh tay 5 nŭih ntưp srê Covid-19, n’hao rnoh nŭih ntưp lam n’gor tât 40 nŭih. Tâm rnoh aơ, geh 6 nŭih hŏ geh săm bah nau ji. Tâm rnoh 5 nŭih ntưp Covid-19 mhe, geh 2 nŭih lah ƀĭt ndeh rdeng ndoh ndơ tă bah nkuăl ƀon têh Hồ Chí Minh, 2 nŭih lah F1- ur ndrel kon bah ngoai tâm 2 nŭih ƀĭt ndeh aơ ndrel du hê geh saơ bah nau khám uănh tâm ƀon lan. Geh tât ăp nŭih ntưp mhe, mrôt n’gâng kan n’gor Lâm Đồng hŏ ƀư nau nchueng, uănh dak si ndrle joi nŭih geh tât tâm 15 ntŭk geh nau ntưp tâm 2 nkuăl Đức Trọng ndrel Đơn Dương.

Êng nau joi nŭih geh tât 5 nŭih ntưp mhe bah n’gor, Lâm Đồng dôl ma ndal joi ăp nŭih tâm mâp êp đah nŭih ji mrô 95.575 ta Ninh Thuận. Bah năp nê, nŭih ji aơ gŭ ndrel pah kan ta Đà Lạt, geh mâp ma âk nŭih. Kơp tât 12h dĭng nar lơ 26/7, Lâm Đồng kơp dơn rnoh 40 nŭih ntưp srê Covid-19. Lam n’gor dôl ƀư nau nkhah 5.643 nŭih. Nau kan njrăng rdâng srê Covid-19 dôl geh n’gâng kan tâm n’gor ntrŭnh ƀư./.

Nŭih rblang: H’Thi