VOV4.M’nông: Lơ 8/6, UBND n’gor Lâm Đồng hŏ mbơh nau ntrŭnh đă ndal mpeh nau kan ân nchuăn rdeng năch plŏ tay nau kan yơn ân ƀư tĭng rjăp du đê̆ nau kan njrăng, rdâng srê Covid-19. Gay mât đăp mpăn ân geh săk tam “nkô̆ nau bar ntil nau kan” nkre ƀư nau kan njrăng, rdâng srê Covid-19 nkre hun hao văng sa, UBND n’gor Lâm Đồng đă ăp n’gâng kan ntŭk kan, mrôt kan ndrel UBND ăp nkuăl, nkuăl ƀon têh bah n’gor, kơp ntơm 2h kêng măng 8/6, ân nau kan nchuăn rdeng năch geh pah kan tay, yơn ân geh đăp mpăn rjăp nau kan njrăng, rdâng srê Covid-19.

UBND n’gor Lâm Đồng kŏ rđau N’gâng kan gung trong nchuăn rdeng bah n’gor tâm nchră rgâl, pah kan đah N’gâng kan gung trong ăp n’gor, nkuăl ƀon têh geh tât gay tâm ban nau ntĭm nau kan nchuăn rdeng, đăp mpăn nkân nau ntưp rêng srê, yơn “mô dơi njrăng rdâng ăp ntil kan”, mô ƀư kol, khuch tât nau rêh pah kan tăch rgâl, ƀư nau nkhah dak si ân tâm di ăp nŭih đah nŭih tă bah nkuăl geh srê, mhal ân rjăp ăp nŭih mô mbơh mô lah mbơh nau nai dak si ma mô ngăn./.

Nŭih rblang: H’Thi