VOV4.M’nông: Ôi lơ 15/6, ntŭk kan nkân njrăng srê ji bah Lâm Đồng mbơh: rnôk aơ, n’gor Lâm Đồng dôl ƀư nau ntrŭnh mpeh nau nkhah ndrel xét nghiệm SARS-Cov2. Đah nau nkhah dak si rgum, rơh nkhah lah 21 nar kơp ntơm nar ntơm nkhah ndrel xét nghiệm SARS-Cov2 âm tính geh 3 tŏ. Đah nŭih nkhah êng tâm ngih, ntŭk gŭ, nar nkhah 14 nar kơp ntơm nar ntơm nkhah, rơh dăch dŭt xét nghiệm srê mô geh ntưp ri mra ntrơn jêng nau ntĭm mbơh uănh n’hâm soan tâm ngih 7 nar. Ăp nŭih geh nkhah êng tâm ngih, ntŭk gŭ ƀư tĭng nau ntrŭnh bah UBND xã, phường, nkuăl têh tâm ntŭk gŭ, nkra ndơn nau mêt uănh bah rmôt kan njrăng srê Covid-19 tâm ƀon lan. Ăp cán bộ nau dak si mêt uănh n’hâm soan nŭih geh nlhah tâm ngih ăp nar, veh duh n’ik săk jăn 2 tŏ/nar, đăp mpăn ăp nau njrăng rdâng srê tĭng nau ntrŭnh bah n’gâng kan dak si./.

Nŭih rblang: H’Thi