VOV4.M’nông: Kêng măng 5/7, n’gor Lâm Đồng kơp dơn geh tay nŭih ntưp đah srê SARS-Cov2. Aơ lah nŭih ntưp geh tât nŭih ji bôk năp bah n’gor. Nŭih ntưp mhe aơ lah wa T.X.C (56 năm), vâl tâm dăch ma nŭih ji mrô 17951 (tâm Thôn Phú Hoà, xã Mỹ Đức, nkuăl Đạ Tẻh, n’gor Lâm Đồng), nŭih tă bah Hóc Môn, nkuăl ƀon têh Hồ Chí Minh. Wa C lah ngoai tâm nŭih F1 ri ma bah năp nê geh nkhah, tĭng uănh dak si ndrel sŏk mham uănh năl geh ntưp srê.

Lâm Đồng kơp dơn geh tay nŭih ntưp đah srê SARS-Cov2

Jêh rnôk năl nŭih aơ ntưp srê Covid-19, n’gâng kan dak si n’gor Lâm Đồng hŏ leo wa T.X.C tă bah ntŭk nkhah rgum tât ntŭk nkhah săm tâm nkuăl Đạ Tẻh. Kơt nê, tât rnôk aơ, n’gor Lâm Đồng hŏ kơp dơn geh 6 nŭih ntưp srê Covid-19. Rnôk aơ nau joi ăp nŭih geh mâp ma nŭih mhe ntưp dôl geh n’gâng kan n’gor Lâm Đồng ntrŭnh ƀư./.

Nŭih rblang: H’Thi