VOV4.M'nông:  UBND n'gor Lâm Đồng hŏ geh si ƀŭt đă Sở Tài nguyên n'hanh Môi trường, UBND ăp nkuâl, nkual ƀon têh manh rlu nkra si ƀŭt tăch lôk neh ta n'gor. Na nê̆, UBND n'gor Lâm Đồng dăn đă Sở Tài nguyên n'hanh Môi trường, UBND ăp nkuâl, nkual ƀon têh manh rlu nkra si ƀŭt tăch lôk neh ta n'gor tât rnôk geh nău rgop rđău đă tay bah UBND n'gor (mô kơp si ƀŭt dăn tăch luh tă bah pă an, tâm rnăk wâl). Tĭng ƀư nău rđău đă bah UBND n'gor, Sở Tài nguyên Môi trường n'gor Lâm Đồng geh si ƀŭt rđău đă Văn phòng đăng ký neh ntu ôp uănh tay ăp tŏng lam lĕ rngôch si ƀŭt tăch koh neh hŏ dơn n'hanh bưm âk tă kol khan mpeh đă ƀư jêng trong hăn. Nkre, ôp uănh si ƀŭt, tâm pă ntil na nê̆; Manh an rlu dơn ăp si ƀŭt tăch pă neh ntoh luh an tât rnôk geh nău n'glêh an bah UBND n'gor n'hanh nău rđău đă bah UBND n'gor. Ăp nău kan dja ân tĭng ƀư dĭl n'hanh mbơh Giám đốc Sở bah năp nar 10/6/2021.

Nuĭh rblang: Điểu Thân