VOV4.M’nông: UBND n'gor Lâm Đồng mhe geh si ƀŭt njuăl ngăch đă manh rlu  sŏk prăk ta ăp trạm BOT ta n'gor ntop kơl pah kan njrăng, n'gang nuh srê Covid-19. Tĭng nê , UBND n'gor Lâm Đồng dăn đă Công ty TNHH Hùng Phát manh rlu sŏk prăk ndeh ta trạm BOT Định An, nkuâl Đức Trọng kơp ntơm bah 12h mông nar 22/7 tât n'gul măng 1/8 tât. Nar manh rlu sŏk prăk hăn trong mbra dơi trok tâm nar sŏk prăk bah trong cao tốc Liên Khương- Jâng yôk Preen. Ndrel đah nê, gay kơl nuĭh ƀon lan ta n'gor Lâm Đồng tâm nău rsong hăn, tuch tăm, ƀư njêng tăch rgâl, nta trong dơh pă an ngăch ăp ndơ tuch tăm an ăp n'gor dôl geh an gŭ srang ngai êng lam rêh jêng kon nuĭh tĭng nău ntrŭnh mbrô 16 bah Thủ tướng Chính phủ, lơn lah nkual ƀon têh Hồ Chí Minh, UBND n'gor Lâm Đồng dăn đă Tổng cục Đường bộ Việt Nam mĭn uănh rđău đă tơm nuĭh ntuh kơl bah trạm sŏk prăk ndeh BOT ta xã Liên Đầm, nkuâl Di Linh tĭng ƀư manh rlu sŏk prăk ndeh bah trạm./.

Nuĭh rblang: Điểu Thân