VOV4.M’nông – Ban dân tộc n’gor Lâm Đồng an gĭt, jêh nar săch joi tă bah nău nsing nơm bah kônh wa rnoi mpôl đêt ta ăp thôn, ƀon.... tât aƀaơ lĕ tâm ban ŭch ndơ̆ tâm săm ƀŭt nchih săk 479 nuĭh dơi nsing nơm. Săk nuĭh aơ lĕ dơi UBND n’gor ŭch uănh an. Ăp nuĭh geh tâm săm ƀŭt nchih săk aơ lah nuĭh dơi nsing nơm, ntoh lư, geh rgop n’hanh lư têh tâm rnoi mpôl, ƀon lan, du đêt nău ntoh lư ta ăp gưl xă, nkuăl, nkual ƀon têh.... Khân pơng lah rmôt hăn lor tâm hun hao wăng sa, rgŏ jă rnoi mpôl n’hanh nsum mpôl ƀư tĭng uĕh ăp nău tâm ton; nău ƀoăn, jŭt jăng ăp nău rlŭk mâl, ƀư tĭng nău rêh mhe. Ăp nuĭh ntoh lư, dơi nsing nơm ta lam n’gor lĕ ƀư tĭng uĕh nău rgŏ jă kônh wa rnoi mpôl đêt dŭt n’hâm ƀư sa; ƀư tĭng rjăp ăp nău ntrŭnh, trong hăn bah Đảng, ngih dak, pháp luật bah ngih dak, rgop ƀư tĭng dơi ăp nău rƀŏng hun hao wăng sa-rêh jêng, mât nâp rnă njrăng chính trị, đăp mpăn nău rêh jêng bah ƀon lan.

Nŭih rblang: Y Sưng Phê Ja