VOV4.M’nông – Tât aƀaơ, rnoh ndơ̆ an prăk ntuh kơl nsum bah n’gor Lâm Đồng ƀư geh rlău 1.167 rmen prăk, geh bơi 22% trong nchrăp. Nkôp đah rơh aơ năm e hŭch 0,3%. Nkô̆ nău ndơ̆ an prăk mbrơi yor wăk kol đah sam ƀŭt sam tra ntuh kơl, nău tâm ban n’hanh du đêt nău mbrơi bah nuĭh tơm ntuh kơl, ntŭk ƀư. Gay rgop ntrôl hao jêng wăng sa, UBND n’gor đă ăp n’gâng kan nău kan, ƀon lan mkra ƀư tay ntuh kơl nsum bah tơm prăk năm 2021. Nkre nsrôih tâm rgâl tơm prăk ăp nău ƀư mô jêh pă an tât nar 30/6/2021 rlău 50% nkôp đah rnoh prăk dơi pă an nău nchrăp ƀư rgâl tay mô lah mô geh rlău 30% nkôp đah prăk pă an nău nchrăp ƀư mhe, ndơ̆ an ăp nău nchrăp ƀư geh rnoh an âk. N’hanh tât 30/9/2021, mô an trong nchrăp prăk năm bah kơi an ăp nău nchrăp ƀư geh rnoh ƀư mô tŏng rlău 30% nkôp đah rnoh prăk pă. Dơi gĭt, năm 2021 Lâm Đồng dơi jao an dĭng lĕ prăk ntuh kơl nsum rlău 5.245 rmen prăk.

Nŭih rblang: Y Sưng Phê Ja