VOV4.M'nông: Nŭng nar 19/11, Nhih pah kan dơi kan nkuâl Lâm Hà (Lâm Đồng) hŏ bonh jă n'hanh njŭn du hê nuĭh bu klô ntưp Covid-19 plơ̆ tay  nkual an gŭ rgum êng săm lôch du nar nchuăt krap. Nuĭh bu klô nchuăt krap luh bah nkual an gŭ rgum êng săm ji lah wa C.P (gŭ xã Phước Chính, nkuâl Bác Ái, n'gor Ninh Thuận). Bah năp nê, tâm nar 16/11, wa C.P ncho ndeh honda hăn tât nkuâl Lâm Hà (Lâm Đồng) gay dăn klêh cà phê.

wa C.P dơi nhih pah kan dơi kan sŏk mham uănh năl test ngăch n'hanh uănh năl PCR mpơl ntưp đah nuh srê Covid-19 da dê n'hanh njŭn an gŭ rgum êng ta nkual săm nuĭh ji Covid-19 ta xã Tân Văn, nkuâl Lâm Hà. Tât kêng măng 18/11, wa C.P nchuăt krap luh bah nkual an gŭ săm. Lôch saơ nău tih, nkuâl Lâm Hà hŏ rgum mpôl hăn joi. Lôch 1 nar ƀoi tĭng, nŭng nar 19/11, nhih pah kan dơi kan ban saơ wa C.P dôl gŭ krap kalơ tơm si prêh tâm nkual. Lôch nê nuĭh ntơh măt n'gâng kan ta ntŭk, ăp mpôl kan dơi kan ƀư rgŏ jă, bonh đă n'hanh njŭn dơi wa C.P plơ̆ tay nkual an gŭ rgum êng săm nuĭh ji ntưp Covid-19./.

Nuĭh rblang: Điểu Thân