VOV4.M'nông: UBND n'gor Lâm Đồng an dŏng trong nchrăp khay kan an ma kon se năm 2021 đah nkô̆: Nsum ti đăp mpăn tĭng ƀư nău dơi kon se, mât njrăng kon se tâm rnôk trôk nar, nuh srê lơh, Khay kan an kon se ƀư ntơm bah nar 1/6 tât nar 30-06-2021. Tĭng nê UBND n'gor đă ăp n'gâng kan, ăp đơn vị, ăp nkuâl nsing tâm nkô̆ trong nchrăp n'hanh nău ngăn tât krit nji bah nuh srê Covid-19 gay ƀư ăp nău kan tâm di, nkre nkoch trêng ăp nkô̆ mât njrăng n'hanh mât chăm kon se lah nsum n'hanh njrăng, n'gang lăp lơh khuch tât kon se, njrăng bah tât khĭt rmanh, rmok dak tât kon se. N'hao dăng pah kan nkoch trêng, ntĭm nti, năp nău gĭt blău rêh an kon se, lơn lah nău blău njrăng, n'gang  lăp lơh khuch kon se ta ntŭk mạng; nău blău njrăng, n'gang bah khĭt rmanh, rmok dak, nău blău mât njrăng êng săk nơm ta năp nô nău nuh srê Covid-19 aƀaơ./. ,

Nuĭh rblang: Điểu Thân