VOV4.M’nông: Ôi 01/7, HĐND n'gor Lâm Đồng khóa X, năm kan 2021 – 2026 hŏ ƀư rơh hop bôk năp gay sơch ăp nuĭh geh nău dơi kan n'hanh uănh an dŏng du đêt si ƀŭt mbơh rblang khlay. Ta rơh hop, Ủy ban bầu cử n'gor Lâm Đồng hŏ mbơh lôch jêh bầu cử, dơn nău dơi ƀư n'hanh ndơ̆ si ƀŭt kơp dơn an 66 đại biểu HĐND n'gor Lâm Đồng khóa X.

ăp đại biểu hŏ ƀư nklăch phiếu sơch ăp nuĭh kan n'gâng tơm bah HĐND n'gor n'hanh UBND n'gor, sơch Kruanh ƀan, Groi kruanh ƀan way mât kan ăp ƀan Pháp chế, Kinh tế ngân sách, Văn hóa xã hội n'hanh ban Dân tộc, Hội thẩm nhân dân n'hanh ủy viên UBND n'gor. wa Trần Đức Quận, Ủy viên Trung ương Đảng, Bí thư Tỉnh ủy, Kruanh HĐND n'gor khóa IX dơi sơch ƀư tay Kruanh HĐND n'gor Lâm Đồng khóa X; wa Trần Văn Hiệp, Groi Bí thư Tỉnh ủy, Kruanh UBND n'gor khóa IX, dơi sơch ƀư Kruanh UBND n'gor khóa X, năm kan 2021- 2026.

Rơh hop hôm ntêm âk mông tâm nchră, n'hơr ti ŭch n'hanh an dŏng ăp nghị quyết mpeh Trong nchrăp ƀư ăp rơh hop kơt nău way năm 2021 bah HĐND n'gor khóa X, Nghị quyết uănh an dŏng trong nchrăp tâm pă trong ntuh kơl jong dah găp lvang năm 2021- 2025.

Nuĭh rblang: Điểu Thân