VOV4.M'nông: Nar 8/11, Lâm Đồng năl geh tay âk nuĭh ntưp Covid-19 ta 7 nkuâl, nkual ƀon têh tâm n'gor. N'gâng kan ta ntŭk manh rlu âk nău kan rhŏ dŏng gay njrăng n'gang nuh srê. Tâm rnoh 20 nuĭh ntưp Covid-19 mhe ta Lâm Đồng, lơn âk tă bah tơm nuh srê nkual ƀon têh Hồ Chí Minh, Bình Dương n'hanh Long An. Tâm nê, geh 8 nuĭh năl ntưp lam ƀon lan, 1 hê bu ur hăn groi ndeh, jao ndơ tăch ăp ntŭk lam n'gor.

Aƀaơ mpôl kan dơi kan n'gor Lâm Đồng dôl ndăn ƀoi tĭng, groi nđôi ăp nuĭh geh tât ăp nuĭh ntưp ji dja. ndrel đah nê, Lâm Đồng rgum ôp uănh ƀoi tĭng ăp nuĭh geh tât 52 ntŭk ntưp rêng ƀa ƀă đŏng, lơn lah ta Đà Lạt, Đức Trọng, Di Linh n'hanh nkual ƀon têh Bảo Lộc. Kơp tâm 3 pơh aơ, Lâm Đồng ntoh tay 305 nuĭh ntưp Covid-19, n'hao lĕ rngôch rnoh nuĭh ntưp hao 708. Ta năp nău tât krit nji bah nuh srê, n'gor Lâm Đồng n'glêh an manh rlu kan âk ntŭk rhŏ dŏng gay njrăng n'gang nuh srê. Kơp tât rnôk dja, Lâm Đồng năl geh 708 nuĭh ntưp Covid-19, tâm nê geh 3 nuĭh khĭt 545 nuĭh hŏ săm bah n'hanh sĭt bah nhih dak si./.

Nuĭh rblang: Điểu Thân