VOV4.M’nông: Kơp tât 9h ôi lơ 23/5, n’gor Lâm Đồng hŏ geh rlau 281 rbăn cử tri hăn săch, geh bơi tât 30% rnoh cử tri tâm lam n’gor. Jêh rnôk ƀư chào cờ ntơm lăp, dĭng lĕ 1.110 ntŭk nklăch phiếu bah n’gor Lâm Đồng hĭ hăn nklăch phiếu săch ntơh măt Quốc hội gưl XV ndrel ntơh măt HDND ăp gưl năm kan 2021-2026. Jêh 2 mông, hŏ geh rlau 281 rbăn cử tri hăn săch, geh tât 30% rnoh cử tri tâm lam n’gor. Tâm ăp ntŭk nklăch phiếu, nau hăn săch kan geh ueh, đăp mpăn, ăp cử tri kŏ ƀư ueh nau kan 5K gay ma mât đăp mpăn njrăng rdâng srê Covid-19.

Cử tri tâm rnoi K'ho hăn nklăch phiếu

Tâm ntŭk nklăch phiếu mrô 5, nkuăl têh Lạc Dương, nkuăl Lâm Đồng, cử tri rnoi K’ho ta aơ kŏ râng hăn nklăch phiếu ntơm bah ơm ôi. Cử tri Liêng Hót Ha Tuyên, 60 năm, tâm ƀon Đăng Gia Dềt B, nkuăl têh Lạc Dương hŏ ƀư nau dơi ƀon lan bah nơm, rhơn ngơi:

  ‘Uănh rnoh moh săk nŭih geh săch ndrel nơm ân geh uănh ân n’hêl mpeh rnoh moh săk gay ma năl săch nŭih nơm săch. Ntă nŭih nơm rnơm ri nơm dĭng geh săch. Ŭch lah nar săch kan aơ ri mra geh săch nŭih geh nau blau, nau mĭn kan ueh, kơl an ƀon lan, yor Đảng, yor neh dak, yor ƀon lan nơm. Nau ŭch bah gâp lah kơt nê”./.

Nŭih rblang: H’Thi