VOV4.M’nông – Ta năp nu nău jêr jŏt bah srê Covid-19 mât tay nău ƀư 15 ntŭk uănh nđôi srê ta ntŭk. Tă bah nĕ, saơ âk nuĭh ntôn ntưp Cocid-19 n’hanh ntơm nkhah êng tĭng nău ntrŭnh. Rlău n’gul khay aơ, ntŭk uănh nđôi njrăng n’gang srê Covid-19 ta nkuăl Đạ Huoai (Lâm Đồng), ta Quốc lộ 20 nthoi đah Đà Lạt n’hanh TP.HCM dŏng ƀư măng nar.

Lâm Đồng saơ âk nuĭh F1 ta ăp ntŭk uănh nđôi srê Covid-19

Yor aơ lah trong quốc lộ trong me têh nthoi ăp n’gor mpeh bah dâng đah Lâm Đông jêng rnoh ndeh n’hanh nuĭh hăn nsong dŭt âk, yor nê rmôt ăp nău kan an mât uĕh rlău 30 nuĭh, tâm pă 4 mông kâp mư đăp mpăn trong kan uănh nđôi njrăng srê. Aƀaơ rĭng du nar, Lâm Đồng geh rlău 6.500 bôk ndeh, đah 14,000 nuĭh hăn nsong ta ăp ntŭk uănh nđôi njrăng n’gang srê Covid-19. lĕ rngôch tŏng ăp ƀư uănh nđôi, uănh duh săk n’hanh mbơh săk soan an nai dak si. Tă bah nĕ, ơm saơ geh 48 nuĭh F1 n’hanh an ƀư ăp sam ƀŭt nkhah rgum tĭng nău ntrŭnh.

Nŭih rblang: Y Sưng Phê Ja