VOV4.M'nông: Nar 7/6, Sở Y tế n'gor Lâm Đồng an gĭt nhih pah kan dơi kan mhe ban saơ du hê nuĭh hăn tâm rgâl gŭ rgum êng an nuĭh sĭt bah nkual geh nuh srê. Lôch ban saơ nău tâm rgâl nuĭh hăn gŭ rgum êng, mpôl kan dơi kan hŏ ngăch lăp uănh năl săk nuĭh n'hanh ntŭk gŭ bah wa Đ.N.D, nkre ndăn ngăch n'glăp nuĭh dja tâm ntŭk an gŭ rgum êng tĭng di nău way.

Ndrel đah nê, kơi ntop n'glêh an dŏng trong an gŭ rgum êng đah nuĭh hăn rgâl gŭ lah wa T.Đ.D. Tĭng Sở Y tế n'gor Lâm Đồng, nuĭh dja hŏ tih quy định mpeh njrăng, n'gang nuh srê Covid-19 n'hanh mbra rmal lhăt lôch jêh an gŭ rgum êng 21 nar. Kơp tât 6 mông kêng măng nar 7/6, n'gor dôl tĭng ƀư an gŭ rgum êng 2.490 nuĭh. Ndrel đah nê, Lâm Đồng geh tay 215 ntil mham uănh năl an saơ mô mpơl đah SARS-CoV-2.

Nuĭh rblang: Điểu Thân