VOV4.M’nông – Ôi 5/7, Ntŭk uănh nđôi kop srê n’gor Lâm Đồng lĕ wơt dơn rlău 50.350 kôp ndơ test uănh năl mham ngăch Sars-Cov-2 bah du doanh nghiệp ntop kơl an n’gor. Ndơ test uănh năl ngăch Sars-Cov-2 aơ dơi N’gâng kan dak si an dŏng, geh rnoh ngăch n’hanh di tĭng nău an bah Rmôt kan dak si lam ntŭr neh (WHO) dơi Công ty Cổ phần ndeh rdêng năch Phương Trang nglăp rwăt bah Hàn Quốc sĭt an n’gor Lâm Đồng rhŏ an trong kan rchăng n’gang Covid-19.

Lâm Đồng wơt dơn rlău 50.000 kôp ndơ Test uănh năl mham ngăch Sars-CoV-2

Tĭng wa Nguyễn Quốc Minh, Kruanh Ntŭk uănh nđôi kop ji n’gor Lâm Đồng, nău dơn geh ăp ndơ test uănh năl ngăch aơ geh nkô̆ nău dŭt khlay, geh nău ŭch rhŏ an trong kan njrăng n’gang srê Covid-19 tâm rnôk aƀaơ bah n’gor. Rnôk wơt dơn, ntŭk kan lĕ ngăch pă an ăp ntŭk kan dơi kan tâm n’gor gay n’hao tam an nău uănh năl, rgop đăp mpăn trong kan njrăng n’gang srê.

Nŭih rblang: Y Sưng Phê Ja