VOV4.M’nông: Ăp nar rlau aơ, Ấn Độ dôl ma khuch mpeh nau kan dak si jêh rnôk ntoh dŭt âk ngăn nau ntưp srê SASR-Cov2. Rnoh nŭih ntưp mhe Covid-19 ta Ấn ĐỘ âk ngăn, ƀư nau kan dak si mô năn săm. Tâm di nau kan ntọh nau kơp an, dak Pakistan, dâk dăch ma Ấn Độ đă leo rnoh kơl an ân Ấn Độ rdâng đah nau ntưp srê Covid-19 rnôk aơ. Dak aơ mra dơi pă ân Ấn Độ ăp ntil ndơ dak si kơl an nau njrăng rdâng kơt lah máy sŏ n’hâm, máy chụp X-quang, ndơ njrăng săk. Thủ tướng Pakistan Imran Khan kŏ ntoh nau tâm kơl đah ƀon lan Ấn Độ tâm rnôk nau ntưp rêng bah ntil kman aơ ê tă geh. Kruanh n’gâng kan dak si Iran Saeed Namaki kŏ njoăl săm ƀŭt njoăl nŭih ndrel gưl kan bah nơm ta Ấn Độ, ntoh nau mra kơl ân Ấn Độ tâm nau njrăng rdâng nau ntưp kman SASR-Cov2./.

Nŭih rblang: H’Thi