VOV4.M’nông: Lơ 4/5, rơh rƀŭn Kruanh n’gâng kan Rmôt ăp dak công nghiệp hun hao bôk năp lam ntur neh (G7) geh ƀư ta Thủ đô Luân đôn, Anh gay tâm nchră mpeh nau kan bah lam ntur neh. Aơ lah rơh rƀŭn geh bôk năp bah Kruanh n’gâng kan G7 tâm 2 năm ma aơ ndrel kŏ lah nchrăp ân rơh rƀŭn gưl prêh G7, nchrăp geh ƀư ta Tây Nam dak Anh tâm khay ba kơi. Bah năp rơh rƀŭn, âk ntŭk kan lam ntur neh hŏ ntoh nau đă G7 ntrŭt dăng lơn nau kan bah nơm tâm nau rdâng srê Covid-19 du nau kan hŏ ndrel ma dôl geh nau khuch ngăn tât ăp ding bah nau rêh tâm 2 năm ma aơ. Nchrăp, tâm rơh rƀŭn, ăp dak G7 mra tâm nchră mpeh nau nchrăp ndâk tay jêh geh srê Covid-19 kŏ kơt lah nchrăp ân rơh rƀŭn gưl prêh G7, nchrăp geh ƀư tâm Tây Nam dak Anh tâm khay ba kơi. Rơh rƀŭn nchră nkah nau tâm boh ma Nga, Trung Quốc kŏ kơt lah nau nsôih nchră nau gay ma ndâk nau nchrăp kan ndrak nsiu Iran./.

Nŭih rblang: H’Thi