VOV4.M’nông – Hàn Quốc n’hanh Triều Tiên pơk tay trong tâm ôp nsong ngơi tă bah n’har bri ơm geh rlu dŏng bah năm e, dơi nsum mpôl lam ntŭr neh rnê n’hanh năl lah geh nău ƀư uĕh đah nău ntrôl tâm boh 2 dak. Tổng thư ký Liên hợp quốc Antoni Guterres rnê nău mbơh Triều Tiên n’hanh Hàn Quốc pơk tay ăp trong tâm ôp tâm ngơi, mĭn lah lĕ rngôch nău kơl mô rlu bah ăp ding rƀŏng tât nău rgâl tay tâm boh, yor đăp mpăn nâp nâl n’hanh mô hôm hạt nhân lĕ rngôch n’hanh dơi kơp uănh tay ta gôl dak Triều Tiên. wa Jalina Porter, nuĭh ntoh ngơi N’gâng kan tâm rnglăp nchră nău Mỹ an gĭt, Mỹ rnê nău nthoi tay trong tâm ôp nsong ngơi đah Triều Tiên n’hanh Hàn Quốc, kuăl lah lah “njoat hăn uĕh”.

Nŭih rblang: Y Sưng Phê Ja