VOV4.Mnông- Lôch 30 năm, lam ntur neh lĕ rơh bôk năp geh Vacxin njrăng nău kop sâr, đah nău nti Vacxin Môtquyrich, yorr ntŭk kan ƀư dak si Anh nkra ƀư. Aơ dơi uănh lah njoat hăn mhe mpeh n’gâng kan ƀgư dak si-ngoăy tâm âk ntil ndơ ntop săm bah rbăn nuĭh ngăn lah oh kon se ta nkual châu Phi ăp năm. Ntŭk kan dak si lam ntur neh mbơh lor ăp ntil vac xin mhe aơ an geh chuh ngăch an oh kon se ta ba dâng Sahara, châu phi tâm ban kơt ăp nkual geh rnoh ntưp kop sâr âk ta lam ntur neh. Kop sâr dơi uănh lah nkô̆ nău bôk năp ƀư jêng nău ji n’hanh khĭt an oh kon se ta nkual ba dâng Sahara, châu phi. Nchroh ăp năm geh rlău 260 rbăn oh kon se châu phi ba dâng 5 năm deh khĭt yor nău ji aơ. Rlău 800 rbăn oh kon se ta du đê̆ dak châu phi lĕ geh dŏng vac xin aơ tâm bôk nău dŏng rlong bâh năm 2019.

Nuĭh rblang: Thị Đoắt