VOV4.Mnông-N’gâng kan dak si Lào nar 26/9 mbơh 2 nar ba năp, lĕ geh kơp dơn 292 nuĭh ntưp mhe Covid-19, tâm nĕ geh tât 280 nuĭh ntưp tâm ntŭk rêh jêng. Thủ đô Vientian geh tay rnoh nuĭh ntưp tâm ntŭk rêh jêng dŭt âk ta lam dak đah 135 nuĭh lôch nĕ lah n’gor Khammuan đah 85 nuĭh. Aƀaơ, lĕ rnoh nuĭh ntưp Covid-19 ta Lào lah rlău 21.800 nuĭh, tâm nĕ geh 16 nuĭh khĭt. Dŭt nkah lah lĕ rngôch ăp nuĭh ntưp mhe geh ntưp đah kaman rgâl săk Delta Plus- rgâl săk ntưp rêng dŭt ngăch n’hanh tâm rdâng đah ăp ntil dak si săm Covid-19. Ta năp nău aơ, ntŭk kan dak si tâm ban kơt mpôl kan ta ntŭk dôl ndăn joi nuĭh tă geh tâm mâp dăch đah ăp nuĭh ntưp rêng, n’hao nău rao puh kaman ta ăp ntŭk geh nuĭh ntưp Covid-19, kuăl đă nuĭh tă geh tâm mâp đah nuĭh ntưp Covid-19 sŏk xét nghiệm, rgŏ jă ƀon lan hăn chuh Vaccine njrăng Covid-19.

Nuĭh rblang: Thị Đoắt