VOV4.M’nông – N’gâng kan dak si kơt nău mbơh tâm 2 nar bah năp, dak aơ kơp dơn tay bơi 200 nuĭh ntưp Covid-19 mhe. Kơt nĕ, kơp bah khay 1/2020 tât aƀaơ, Lào lĕ saơ rlău 10 rbăn nuĭh ntưp đah Covid-19. Rnoh nuĭh ntưp Covid-19 ta Lào bah bôk khay 7/2021 tât aƀaơ hao na nao ăp nar, dŭt âk saơ jêh uănh năl mham nuĭh pah kan Lào ta dak bah dih sĭt dak nơm đah âk nuĭh. Tâm rnôk nĕ, du nău mbơh dôl rhơn lah tât aƀaơ, Lào lĕ kơp dơn rlău 5,1 rkeh dĭng vaccine njrăng n’gang srê Covid-19 ăp ntil yorr ăp dak, ăp rmôt kan lam ntŭr neh ntop kơl, tâm nĕ geh bơi 3 rkeh dĭng vaccine Sinopharm tă bah Chính phủ Trung Quốc ntop kơl; Chính phủ Mỹ ntop kơl tă bah COVAX rlău 1 rkeh dĭng vaccine Johnson n’hanh Johnson; Chính phủ Nga ntop kơl 2.000 dĭng vaccine Sputnik V; Bôk nău kan hun hao Liên hợp quốc ta Lào ntop kơl 1.000 dĭng vaccine Astrazeneca...

          Nuĭh rblang: Y Sưng Phê Ja