VOV4.M’nông – Chính phủ Lào lĕ ntrŭnh njông, jŏ tay nar nchoeng n’gang tât nar 20/5 gay nking n’gang trong ntưp rêng Covid-19 dôl geh jêr jŏt ta dak aơ. Tĭng nău ntĭm đă aơ, Chính phủ Lào an tyay đă nchoeng n’gang thủ đô Vientiane yơn an ăp n’gor, tĭng ăp ntŭk, dơi ntrŭnh ăp trong njrăng n’gang srê tâm di. Yơn lah, n’hêl na nê̆, ta năp nău ntưp ngăch bah srê, lĕ rngôch 18 n’gor, Tp bah Lào lĕ ƀư tĭng nchoeng n’gang, nuĭh ƀon lan dơi đăp n’hŭch hăn nsong, knŭng luh bah dih jay tâm nău khlay; nuĭh n’hanh ndeh mô dơi hăn n’gor êng lah mô geh nău kan khlay. Ntĭm đă mô an ƀư rgum rƀŭn n’hanh ƀư ăp nău rgum mô rlău 20 nuĭh; ntĭl mpông ăp ntŭk pâl rlưn, quán karaoke, quán cà phê Intẻnet, massage, ntŭk thể thao, ntŭk tập GYM...

Nŭih rblang: Y Sưng Phê Ja