VOV4.M’nông – Đah nu nău hao na nao rnoh nuĭh ntưp, Thủ đô Vientiane bah Lào nklăp lah geh âk ir nuĭh ji Covid-19. Trong ndâk njêng 3 ngih dak si rdâng săm dôl dơi ntrôl ngăch. Đah 76 nuĭh ntưp mhe dơi kơp dơn tâm nar 25/4, aƀaơ, ăp ngih dak si bah Lào dôl săm an 274 nuĭh ji Covid-19, tâm nĕ, êng thủ đô Vientiane lah 243 nuĭh. Wa Sanong Thongsana-Kruanh Ngih dak si Mittaphab an gĭt: ngih dak si knŭng dơi wơt săm 90 nuĭh. Lah nu nău srê geh âk n’hanh rnoh nuĭh ntưp hao ngăch, ngih dak si mbra rdâng đah nău âk ir; n’ăp nuĭh kan, ndoh ndơ jêr dơi rdâng đah nău jăch ndal, rnôk ngih dak knŭng geh 14 jrô săm ji êng. Yơn lah, pơng an gĭt đŏng, tât aƀaơ ăp nuĭh ji dôl săm ta ngih dak si Mittaphab ta nu nău săk soan đăp mpăn, mô geh nău rgâl mbăn.

          Nŭih rblang: Y Sưng Phê Ja