VOV4.M'nông: Tă khuch bah nuh srê Covid-19, nău kan tăch n'gluh n'glăp ndơ tâm khay 7 dôl geh trong mbrơi tay. Lĕ rngôch nsĭt geh tăch n'gluh, n'glăp ndơ khay 7 mhe aơ nchroh geh tât 55,7 rmen đôlar, dơn hao 1,5% rđĭl đah khay bah năp nơh. Yơn lah, kơp nsum 7 khay năm 2021, lĕ rngôch nsĭt geh tăch n'gluh, n'glăp ndơ nchroh hôm hao âk đŏng (hao 30,2% rđĭl đah ndrel khay dja năm bah năp nơh). Ngoăy tâm ăp trong nkra dơi Bộ Công Thương lah rjăp tâm ăp khay kêng dŭt năm lah ntrôl ngăch tăch n'gluh, kân bah n'glăp âk ndơ, leo joi trong ndăn geh dơh soih bah ăp FTA gay joi trong nkra hun hao ntŭk tăch rgâl n'hanh droh rklaih mpêr n'gar nking kol gay lăp tâm ntŭk tăch rgâl mhe. Rdâk tay n'hanh pơk hvi ntŭk tăch n'gluh, ndăn lĕ nău săk geh dơh uĕh bah ăp Nău tâm ton dah rŏng tăch rgâl (FTA) hŏ geh nău tam; âk mpưm ntŭk tăch n'gluh, rvăt n'glăp./.

Nuĭh rblang: Điểu Thân