VOV4.M'nông: Nuĭh đă hăn kan mha êng Liên hợp quốc mpeh Syria Geir Pedersen mhe aơ mbơh, Chính phủ n'hanh mpôl dâk lơh ta neh dak geh hăch rlâm tâm lơh tâm su dja hŏ tâm ban ŭch ntơm nchih rgum hiến pháp mhe, ntơm du njuat hăn khlay lôch 9 khay tâm nchră dŭt mêl. Bah năp nê, wa Pedersen hŏ geh rơh tâm mâp đah ăp nuĭh ndrel ƀư kruanh Ủy ban Hiến pháp Syria (lah chính phủ Syria n'hanh mpôl dâk lơh). Aơ lah lor bôk năp mpôl dâk lơh ta Syria gŭ nsum tay tâm nchră mpeh trong ƀư ăp tơ̆ rvăch tâm nchră bah kơi tay. Rvăch tâm nchră tâl 6 bah Ủy ban Hiến pháp Syria mbra ntơm tâm nar 18/10 n'hanh nchră ƀư jŏ 1 pơh ta Geneva, Thụy Sĩ. An tât aƀaơ, Ủy ban Hiến pháp hŏ ƀư 5 tơ̆ rvăch tâm nchră. Rvăch tâm nchră dŭt mhe aơ ƀư rnôk kêng dŭt khay 1/2021 hŏ lôch jêh ma mô geh nău mpŏng dơi./.

Nuĭh rblang: Điểu Thân