VOV4.M’nông: Ntŭk nkoch nau Reuters lơ 29/6 mbơh, nau mât đăp mpăn bah Liên hợp quốc tâm lam ntur neh mra ntâl mpông tâm lơ 1/7, lah Đại hội đồng Liên hợp quốc geh 193 nŭih mô geh nchră tơm prăk 6 rmen đâl Mỹ ân nau kan mât đăp mpăn tâm năm tât) kơp ntơm lơ 1/7/2021 tât 30/6/2022. Nar aơ, lah nar dŭt nchră tơm prăk mât đăp mpăn tâm năm tât. Yơn lan, nkô̆ ƀư ăp dak kan nsum ê nchră tơm prăk nê lah yor ăp nau rgâl tâm nau tâm nchră, ndrel nau kan Trung Quốc ndrel ăp dak Châu Phi ndŏ luh du đê̆ nau đă tâm nar dŭt. Tơm prăk ân nau mât đăp mpăn bah Liên hợp quốc tâm lam ntur neh ăp năm nklăp 6,5 rmen đola Mỹ. Mỹ lah dak rgop âk ân tơm prăk aơ, nklăp 28%, jêh nê lah Trung Quốc đah rlau 15% ndrel Nhật Bản 8,5%./.

Nŭih rblang: H’Thi