VOV4.M'nông: Tổng thư ký Liên hợp quốc Antonio Guterres mhe kuăl jă mpôl tahen Taliban n'hanh lĕ rngôch ăp ding nkân bah tâm lơh, gay mât njrăng bu ur n'hanh kon se ta Afghanistan. Tâm rnôk nê, mpôl Taliban hŏ mbơh dŭt bah tâm lơh ta Afghanistan lôch rnôk pit mât lĕ rngôch thủ đô Kabul. Tâm du nău mbơh ndơ̆ luh bah kơi nê, Nuĭh ntơh ngơi Liên hợp quốc Stephane Dujarric leo nău Tổng thư ký Guterres nduih lah hô ăp nău tih nău dơi kon nuĭh, kuăl jă ăp ding nkân bah tâm lơh gay mât njrăng bu ur n'hanh kon se- ăp nuĭh dơh tât khuch. Păng lah rjăp đŏng Liên Hợp Quốc mbra pă an tay ndơ kơl nuĭh an ƀon lan ngăn Afghanistan dôl mâp jêr jŏt. Nar 16/8, Hội đồng Bảo an Liên Hợp Quốc hŏ ƀư rơh hop gay tâm nchră trong nking nchăng tâm lơh n'hanh đăp mpăn rnôk ndơ̆ rgâl Chính phủ nđơn tay geh ăp grep./.

Nuĭh rblang: Điểu Thân