VOV4.M’nông: Nŭih rđau nau kan mpeh ăp nau kơl an bah Liên hợp quốc ta Apganistan, wa Ra-mis A-lác-ba-rốp ntoh nau kuăl jă lam ntur neh rgop 850 rkeh đola gay ma kơl dak Tây Nam Á aơ rdâng đah ăp nau khuch bah nau tâm lơh, prăng bri, nau brêt têh kŏ kơt lah nau kơl an 627 rbăn nŭih sĭt dak nơm tâm năm aơ. Tĭng wa A-lác-ba-rốp, đê̆ ngăn 80 rkeh nŭih Apganistan dôl ŭch geh nau kơl an ndrel Liên hợp quốc geh nau nchrăp kơl an đê̆ ngăn 15,7 rkeh nŭih tâm rnoh aơ. Nau prăng bri ndrel tâm lơh hŏ ƀư 270 rbăn nŭih ƀon lan Apganistan nchlơi ngih vâl gay ma tât nkuăl têh, mô lah ntŭk âk nŭih. Ma rhiăng rbăn nŭih êng ntrơn du tâm dak ba dih./.

Nŭih rblang: H’Thi