VOV4.M’nông – Tổng thư ký Liên hợp quốc Antonio Guterres nar nđaơ kuăl jă tay Israel n’hanh Lebanon ât nkân nkân tâm lơh, n’hŭch duh jêr ta nkual n’har bri đah 2 dak. Tĭng nău mbơh bah Văn phòng Tổng thư ký Liên hợp quốc, wa Guterres nkoch nău klach rvê hô đah nu nău tâm lơh hao duh jêr dăch aơ đah Lebanon n’hanh Israel njok Đường Xanh, trong n’har bri đah 2 dak yor Liên hợp quốc ndơ̆ năm 2000, tâm nĕ geh nău pănh rocket tâm dak Israel n’hanh ăp nău plơng tay đah pháo têh n’hanh grăp phao ŭnh tâm nkual neh Lebanon. Liên hợp quốc kuăl jă lĕ rngôch ăp ding ât nkân nkân dŭt n’hâm n’hanh hăn râng tâm ăp trong ƀư tâm rgop, tâm ôp nsong hăn bah rmôt manh kan Liên hợp quốc ta Lebanon.

Nŭih rblang: Y Sưng Phê Ja