VOV4.M’nông: Di nkah 76 năm nar Mỹ klŭp ƀom ndrak nsiu tâm nkuăl ƀon têh Hi-ro-si-ma, Nhật Bản, Tổng thư ký Liên hợp quốc An-tô-ni-ô Gu-tê-rét hŏ ntoh nau rngot ngăn đah ăp nŭih khĭt ndrel ăp nŭih hôm rêh jêh nau tât aơ, nkre rvê ngăn mpeh lam ntur neh ê geh dơi tâm nau ƀư geh tât nkô̆ nau ndâk njêng du ntur neh mô geh ndrak nsiu. Tổng thư ký Liên hợp quốc ân lah, ăp dak hŏ ndrel ma dôl ƀư ân ueh mhe tay nau kan ndrak nsiu bah nơm tâm ăp năm êp aơ, ƀư jêng du nau tâm rlong mpeh nau ƀư ndrak nsiu mhe. Wa kuăl jă ăp dak dôl ma geh ndrak nsiu ân geh ƀư ăp nau kan gay ma n’huch nau tât. Gay mât đăp mpăn nau kan rdâng tay nau dŏng ndrak nsiu lah nau kan jut jăng lơi ân lĕ. Liên hợp quốc lŏ ton ƀư ân jêh đah ăp nkô̆ nau mpeh du lam ntur neh mô geh ndrak nsiu./.

Nŭih rblang: H’Thi